Archivo de la etiqueta: mintegia

Esperientzien elkartrukea – Ikasturteko azken Mintegia

Posted on por
Responder

Maiatzaren 24an,  Ikaskide Proiektuan ari garen kide guztion artean, ikasturteko azken mintegi saioa egin genuen HUHEZIn.

Orain arte egindako mintegietan banaketa bat eman da: proiektuan ikasturte honetan bertan hasi diren kideak, alde batetik, eta dagoeneko Ikaskide taldeetan beterano diren kideak bestetik.

Mintegi honetan, aldiz, Ikaskide Proiektuan ari diren kide guztiak elkartu ginen, zahar eta berri, guztiok baitugu besteongandik zer ikasi, dagoeneko hezkuntza kooperatiboaren gaineko esperientzia luzea izan ala ez.

Hiru izan ziren mintegian bete nahi izan genituen helburuak:

  • Esperientziak elkartrukatzea.
  • Elkarrengandik ikastea.
  • Datorren ikasturteko aurreikuspenak egitea.

Horretarako, bi lantaldetan banatu ginen bertan parte hartu genuenok: batetik, lehen hezkuntzako taldea osatu zen; bestetik, bigarren hezkuntzakoa.

Bi lantalde horietan esperientziak partitu eta eztabaidatu ondoren, taldeak bildu eta ondorio komunak ateratzeko saioa egin zen.

Mintegiaren nondik norakoak eta bertan, lehen hezkuntzaren eremuan aurkeztutako esperientziak ezagutu nahi badituzu, beheko estekan klikatzea baino ez daukazu!

MINTEGIA_Maiatzak 24-LEHEN HEZKUNTZA

Mintegiko partaideak:

Ikaskide taldeak eta aniztasunaren trataera – Hasi berrien II. Mintegia

Posted on por
Responder

Maiatzaren 17an egin zen Ikaskide Proiektuan aurten hasitako kideen arteko II. Mintegia.

Bertan, Ikaskide taldeak eta aniztasunaren trataera izan zen landutako gaia.

Zer ekarpen egin diezaioke hezkuntza kooperatiboak aniztasunaren trataerarai? Nola landu aniztasuna ikaskide taldeen bidez?… Galdera horiei eta gehiagori erantzuna ematen saiatu ziren mintegiko partaideak eta aholkulariak.

Ohi moduan, hezkuntza kooperatiboan oinarritutako ariketa praktikoetatik abiatu zen proposatutako hausnarketa. Bertatik, ondorio teorikoak atera ziren eta, azkenik, ondorio teoriko horiek gelako egunerokotasuneko praktikan nola txertatzen diren ere aztertu zen.

Mintegiaren bilakaera eta bertatik ateratako ondorioak ezagutu nahi badituzu, egin ezazu klik beheko estekan.

Kide berriak-II Mintegia-ANIZTASUNAREN TRATAERA

Mintegiko partaideak:

Maiatzaren 24an, 11/12 Ikasturteko azken mintegia

Posted on por
Responder

Maiatzaren 24an, ostegunarekin, Ikaskide Proiektuan ari garen kideok 2011/12 ikasturteko azken mintegi saioa egingo dugu HUHEZIn, 15:00retan hasita, 19:00rak bitartean.

Aurreko mintegietan ez bezala, oraingo honetan, elkarrekin arituko gara duela bi urte proiektuan hasitakoak eta aurtengo ikastetxe berriak.

Mintegiaren helburu nagusiak honako hauek izango dira:

  • Esperientziak elkartrukatzea
  • Elkarrengandik ikastea
  • Datorren ikasturterako aurreikuspenak egitea

Mintegiaren antolaketari daogkionez, honako eskema honi jarraituko diogu:

  • Helburuak ahalik eta egokien betetze aldera, mintegiko partaideak 2 lantaldetan banatuko dira: Lehen Hezkuntzakoa  eta Bigarren Hezkuntza.
  • Lantalde bakoitzeko kideek, aurrera eramaten ari diren proiektuak aurkeztuko dituzte.
  • Aurkezpen bakoitzaren ondoren, taldekide guztion arteko elkarrizketa irekiko da.
  • Bukatzeko, mintegian ateratako ondorioen  laburbilketa egin eta hurrengo ikasturterako ibilbidea marraztuko da.

Proiektuen aurkezpenetan honako eduki hauek landuko dira:

  • Proiektuaren argazki orokorra.
  • Ekintzaren esperientzia: esku-hartzearen kontakizuna
  • Irakaslearen ikaste-prozesua

Beteranoen III. Mintegia – bilakaera eta ondorioak

Posted on por
Responder

Apirilaren 26an egin zen Ikaskide Proiektuan 2010/11 ikasturtetik ari diren kideen mintegia.

Mintegiaren gai nagusia zera izan zen: Ikaste kooperatiboaren prozesua ahalik eta modu autonomoan garatzeko bidea.

Bi ikasturteotan metatutako esperientziaren bidez jasotako ezagutzari heldu zitzaion eta,  horren bidez, ikastetxeetan era autonomoan proiektuari jarraipena ematearen gaineko hausnarketa egin zen.

Helburu horrekin, orain arte sortu eta iturri desberdinetatik jaso dugun dokumentazioa aztertu zen. Horretarako, bi bide erabili ziren: batetik, dokumentazio orokorra jasotzen zuen gailua eman zitzaien parte hartzaileei; bestetik, bloga aztertu zen, eta horrek proiektuko partaide guztien arteko ikaste komunitate bat sortzeko eman ditzakeen aukeren gaineko gogoeta egin zen.

Mintegia emankorra izan zen, oso, eta atxikitako dokumentuan jaso ditugu harren bilakaeraren urratsak eta bertatik jasotako emaitzak.

Ikaste Kooperatiboa autonomoki aurrera eramateko planteatzen diren urratsak ezagutu nahi badituzu, klika ezazu beheko estekan.

BETERANOAK – III. MINTEGIA

Mintegiko partaideak:

«Beteranoen» III. Mintegia – iragarpena

Posted on por
Responder
Ikasturterako finkatu genuen egutegiari jarrituz, datorren ostegunean, apirilak 26, mintegi saioa egingo dugu Huhezin, 15:00etatik 19:00etara.
Saio honetan, aurreko mintegietan landutakoari jarraituz, ikastetxe bakoitzak hezkuntza kooperatiboaren proiektua aurrera eraman ahal izateko, autonomiarantz beste urrats bat egiten saiatuko gara, printzipioetan, diseinuan, esku-hartzean eta ebaluazioan ditugun errekurtsoak eta baliabideak aztertuz.