II. Mintegia – materiala

Motibazioa eta parte-hartzea gaitzat izan dituen II. Mintegia praktikaren gaineko hausnarketan oinarritu da.

Aipatu gaiok lantzeko, De Bonoren 6 txapelen metodologia irabili da, talde txikitan lan eginez.

Dena den,  aipatu dinamika horien bidez ateratako ondorioetan sakondu eta irtenbide posibleak bilatzeko, zenbait lan teoriko jarri dira partaideen esku.

Beheko esteketan klikatuta aztertu izango dituzue.

Gogoetarako sei txapelak _E. De Bono_

Motibazioa eta ikasteko gogoa pizteko gida

Parte-hartzea eta inplikazioa

Anuncios

I. Mintegia

2011ko otsailaren 2an egin da Ikaskide Proiektuko I. Mintegia, Eskoriatzako HUHEZI Fakukltatean (MU).

Honako helburu hauek izan ditu I. Mintegi honek:

  • Proiektuen   esperimentazioa baliatuz, hezkuntza kooperatiboaren gakoak hobeto   identifikatzea.
  • Elkarlanean,   hobekuntzarako proposamenak aurrera eramateko urratsak aurreikustea.
  • Taldearen ezagutzaz,   trebeziaz eta esperientziaz baliatu gure ezinak gainditzen saiatzeko
  • Elkarren ezagutzaren eta proiektuak partekatzearen bidez, talde sentimendua indartu.

Jarduera eta metodologia anitz zituen prest aholkulari taldeak, baina gauzak ez dira beti plangintzatu bezala ateratzen eta elkar-ezagutzen eman dugu mintegia: bakoitzaren esperientziak eta proiektuak aurkezten, igurikapenak eta zalantzak mahai gaineratzen, oztopoak eta abantailak partitzen…

Bistakoa zen horren guztiaren behar handia zegoela, beraz, mintegia oso positibotzat baloratzea baino ez zaigu geratzen, bai parte-hartzearen aldetik (8 ikastetxetako 21 kidek eta proiektuko 5 aholkulariekk hartu genuen parte) zein esperientzien elkartrukeak guztioi ekarri digun aberastasunaren aldetik.

Ebaluazioa dela eta… zenbait gogoeta

Askotan, ebaluazioaren gainean zalantzak izaten ditugu:

  • zer ebaluatu eta, bereziki, nola?
  • zer ebaluazio mota(k) erabili? noiz? zez ebaluatzeko?
  • ondo al nabil helburuak betetze aldera? metodologia egokia erabiltzen ari naiz? dinamika egokiak proposatu al ditut?
  • zer galdera mota egin neure buruari zein ikasleei gauzak pentsatu moduan ote doazen jakiteko?

Irakasle guztioi etorri zaizkigu horrelako galderak -eta gehiago- burura. Beheko estekan klikatuz gero, ebaluazioaren gaineko gogoeta batzuk ikusi ahal izango dituzu, tresna gisa baliagarri izan daitezkeelakoan.

EBALUAZIOA-gogoetak

2010/11 ikasturtean geletan gauzatu ziren ikaskidetza proiektuak

2010/11 ikasturtean 29 ikaskidetza proiektu eraman ziren aurrera 8 ikastetxetako geletan.

Lehen Hezkuntza, DBH eta Batxilergoko maila guztietan jarri dira martxan proietu desberdinak, arlo anitzetan: matematika, hizkuntza, gizarte zientziak, natur zientziak, fisika, ingelesa, historia, teknologia, zuzenbidea, herritartasuna, harrera planak, mekanika eta industria teknologiak, mundu garaikideko zientziak…

Lanbide Heziketakon ere izan du isla, eta ez nolanahikoa, ikaskidetzat, Haur Hezkuntzako moduluan alor hauek lantzeko: enprendizaia,  jolasaren metodologia, garapen sozio-afektiboa, lehen laguntzak, didaktika, haurrei arreta eskaintzeko proiektua (praktikak) eta ingelesan.

Behean daukazun estekan klikatuta ikusi ahal izango duzu zein ikastetxe eta arlotan eraman diren aurrera aipatu proiektuak. Horrekin batera, zenbait proiekturen deskribapena ere aurkituko duzu bertan.

2010-11an gauzatutako proiektuak

Artikulua – Ikaskide taldea – Talde kooperatiboak hezkuntzan

Hona hemen Mondragon Unibertsitateko HUHEZI fakultateko irakasle batek egindako lana. Lan hau izan zen talde kooperatiboetan aholkularitza lana abiatzeko oinarri teorikoa.

Lan honen egileek eurek diotenez, “lan hau `Talde Kooperatiboak Hezkuntzan´ izendatu genuen mintegiko fruitua da, 98/99 – 99/00 ikasturteetan garatu duguna. Abiapuntua zera izan da: gure ikasleekin taldean lan egiteko gaitasuna lantzea; gure asmoa honen inguruan egon zitezkeen estrategia metodologikoetan sakontzea izan da. Eta kooperazioaren balorea gure identitate ikurretako bat izanik, sakontzeko aukeratu dugun eremua talde kooperatiboan lan egitea izan da”.

Beheko estekan klikatuz aurkituko duzue aipatu lana, pdf formatuan.

IKASKIDE taldea – Talde Kooperatiboak Hezkuntzan

Hirugarren formazio-saioa

Maiatzaren 6an egin zen datorren ikasturtean Ikaskide Proiektuan parte hartuko duten kide berrien hirugarren formazio-saioa.

Oraingoan, datak egokienak ez zierla eta, 9 ikastetxetako 28 kide bildu ginen.

Saioan honako hauek landu ziren:

  • Ikaskide taldeetan egitearen helburuen gaineko hausnarketa. Hausnarketa hau bideratzeko taldekako dinamikak jarri ziren martxan.
  • Ondoren, denon artean talde txikietan egindako lana partitu zen eta argi geratu zen zeharkako konpetenzien lanketarako tresna ezin hobea dela ikaskide taldetan lan egitea. Horretaz gain, denontzako eskolaren bidean ere urrats garrantzitsuak emateko tresna gisa kokatu zen ikaskide taldeen metodologia.
  • Ondoren, konpetentzien gaineko hausnarketa bideratu zen: zeharkako konpetentzia guztiak eta konpetentzia espezifiko guztiak elkarrekin landu al daitezke? Lehentasunak markatu behar direla argi geratu zen eta zeharkako konpetentzia -eta azpikonpetentzia- bakar batean indarra jarri, gainontzeko konpetentziak ere horrekin batera landuko direla jakitun, baina denak ezin ditugula ebaluatu, beraz, lehentasunezkotzat hartzen dugun hori soilik ebaluatuko genuke.
  • Atsedenaren ondoren, bukatzeko, taldeka bilduta, ikaskide taldeen bidez lantzeko gai bat aukeratu zen talde txikitan eta lanketa horren diseinuari ekin zitzaion talde txikitan (talde bakoitzak gai desberdin bat aukeratu zuen). Beraz, martxan jartzeko sekuentzia didaktikoaren lehen zirriborroa osatu zuten saioko partaideek, taldean lan eginez.