Archivo de la etiqueta: ikastetxe

Ikasturte berria, asmo berrituak eta kide berriak

Posted on por
Responder

2001/12 ikasturtea hasi da Ikaskide Taldeen proiektuarentzat ere.

Ikasturtea berria den moduan, guk ere asmo berrituak ditugu (hurrengo postetan izango duzue horien berri) eta, horiekin batera, partaide berriak ere baditugu gurean!

Orain arte gurekin egon eta jarraitzeko asmoa duten 7 ikastetxeei:

Beste horrenbeste ikastetxe gehitu zaizkie:

Eta aholkularitza taldean ibilitako 5 kideei:

Beste hiru kide etorri zaizkie kooperazioan ibiltzeko:

Ongi etorria denei!!!!!

Apirilaren 1ean, Ikaskide Taldeen I. Jardunaldia – Egitaraua

Posted on por
Responder

2011ko apirilaren batean egingo dugu, Eskoriatzako HUHEZI fakultatean, Ikaskide Taldeen gaineko lehenego jardunaldia.

Hementxe duzu egitaraua. Animatu zaitez! Zure partaidetza ongi etorria izango da.

ELKARREKIN BIZITZEN IKASI: IKASKIDE TALDEAK  – I. JARDUNALDIA

Noiz: Apirilaren 1ean

Ordutegia: 9:00 – 14:00

Non: HUHEZI Fakultatea –  Eskoriatza

EGITARAUA:

9:00-9:10 Dokumentazio banaketa

9.10-9:30 Jardunaldiaren aurkezpena

  • “Ikaskide Taldeak Proiektua”
    • Nekane Arratibel  (HUHEZI) Andoni Zendoia (ERKIDE)

9:30-10:30: Hitzaldia

  • “Konpetentzien ebaluazioa: talde lana”
    • Joan Rué ( Bartzelonako Unibertsitate Autonomoa)

10:45-11:15 : Atsedena eta kafea

11:15-12:45 : Ikastetxeetako esperientziak

  • Bihotz Gaztea Ikastola (Santurtzi)
  • Pasaia-Lezo Lizeoa (Pasaia-Lezo)
  • Inmakulada Ikastola (Tolosa)

12:45-13:45: Hitzaldia

  • “Ikaskidetzaren erronkak. Eredu berri baterantz”
    • Ainara Artetxe, Meltxor Artetxe, Mariam Bilbatua, Pello Jauregi, Marije Fullaondo (HUHEZI)

13:45.14.00: Agurra

2010/11 ikasturtean geletan gauzatu ziren ikaskidetza proiektuak

Posted on por
Responder

2010/11 ikasturtean 29 ikaskidetza proiektu eraman ziren aurrera 8 ikastetxetako geletan.

Lehen Hezkuntza, DBH eta Batxilergoko maila guztietan jarri dira martxan proietu desberdinak, arlo anitzetan: matematika, hizkuntza, gizarte zientziak, natur zientziak, fisika, ingelesa, historia, teknologia, zuzenbidea, herritartasuna, harrera planak, mekanika eta industria teknologiak, mundu garaikideko zientziak…

Lanbide Heziketakon ere izan du isla, eta ez nolanahikoa, ikaskidetzat, Haur Hezkuntzako moduluan alor hauek lantzeko: enprendizaia,  jolasaren metodologia, garapen sozio-afektiboa, lehen laguntzak, didaktika, haurrei arreta eskaintzeko proiektua (praktikak) eta ingelesan.

Behean daukazun estekan klikatuta ikusi ahal izango duzu zein ikastetxe eta arlotan eraman diren aurrera aipatu proiektuak. Horrekin batera, zenbait proiekturen deskribapena ere aurkituko duzu bertan.

2010-11an gauzatutako proiektuak

Bigarren formazio-saioa

Posted on por
Responder

Apirilaren 15ean burutu zen datorren ikasturtean Ikaskide Proiektuan partaide izango diren kide berrien bigarren formazio saioa.

9 ikastetxeetako 38 lagunek hartu zuten parte saio honetan.

Saioan honako hauek landu ziren:

  • Aurreko saioan bezala, elkarrekiko ezagutza eta talde kohesioa sortzeko jolas kooperatiboekin eman zitzaion hasiera saioari.
  • Ondoren, eta aurreko saioan mahai-gaineratutako elkarlanaren printzipioak eta ikastetxe bakoitzak egindako AMIA oinarri, lan kooperatiboaren printzipioetan sakontze-lana egin zen, bakarka eta taldeka aurrera eraman ziren dinamiken bidez eta elkarmenpekotasun positiboaren printzipioaren garrantzia azpimarratzeko jolasen bidez.
  • Prebentzio lana ere egin zen: ikaskide taldetan lan egiteak ez dakar, berez, formula magikorik (gogoa, lana, denbora, praktika eta horren gaineko hausnarketa ezinbestekoak dira helburuak aurrera eramateko).
  • Atsedenaren ondoren, lan kooperatiboan sor daitezkeen arazoak identifikatu ziren, talde txikitan aurrera eramandako kasu baten azterketaren bidez. Dinamika honen ondorioak honako hauek izan ziren: arazoak eta horiek balizko zergatiak identifikatu; irtenbide posibleak mahai gainean jarri; taldeko kideen rolak eta funtzioak identifikatu; eta irakaslearen rola eta funtzioak zehaztu.

Lehenengo Formazio-saioa

Posted on por
Responder

Apirilaren 8an burutu zen 2011/12 ikasturtean Ikaskide proiektuan parte hartuko duten kide berrien lehenengo formazio-saioa.

9 ikastetxetako 32 kidek hartu zuten parte eta, partaide guztiei ongi etorria eman ondoren, honako hauek landu ziren:

  • Norberak bere aurkezpena egin zuen eta formazio-saioekiko igurikapenak azalarazi zituen, horretarako jolas kooperatibo bat erabili zela.
  •  Ondoren, kide bakoitzak elkarlanaren barne hausnarketa egin zuen eta, ondoren, haren balizko ezaugarriak gainontzeko kideekin partitu.
  • Saioa dinamizatu zuten aholkulariek ikaskuntza kooperatiboaren kokapena egin zuten eta ondoren, taldeka, horien gaineko hausnarketari ekin zitzaion.
  • Atsedenaren ondoren, kideak ikastetxeka bildu eta euren ikastetxeko AMIA osatzeari ekin zitzaion (Ahulguneak, Mehatxuak, Indar-guneak eta Aukerak).
  • Bukatzeko, formazio-saiotik ateratako ondorioak laburbildu eta partitu ziren denen artean.