«Beteranoekin» 2011/12ko I. Mintegia

2011ko abenduaren 1ean egin da Ikaskide Proiektuan «beterano» diren kideekin ikasturte honetako I. Mintegia.

Saio honen helburuak honakoak izan dira:

  • Proiektuen esperimentazioa baliatuz, hezkuntza kooperatiboaren gakoak hobeto identifikatzea.
  • Elkarlanean, hobekuntzarako proposamenak aurrera eramateko urratsak aurreikustea.

Helburuak lortze bidean, honako jarduera hauek gauzatu dira:

  • Harrera eta mintegiaren helburuen azalpena.
  • 2010/11 ikasturteko esperimentazioaren ebaluazioaren aurkezpena: 1) emaitzak; 2) hausnarketa.
  • Ikaskide Proiektuan sakontzeko aurten egingo den ikerketa proiektuaren azalpena.
  • Aurtengo proiektuen gaineko informazioa elkartrukatzea.

Kide berriekin I. Mintegia

2012ko otsailaren 2an egin da ikasturte honetako kide berriekin Ikaskide Proiektuko I. Mintegia.

Honako hauek izan dira Mintegi honekin bete nahi izan diren helburuak:

  • Elkarren ezagutzaren eta proiektuak partekatzearen bidez, talde sentimendua indartzea.
  • Elkarlanean, hobekuntzarako proposamenak aurrera eramateko urratsak aurreikustea.
  • Taldearen ezagutzaz, trebeziaz eta esperientziaz baliatu gure ezinak gainditzen saiatzeko

Helburu horiek lortze aldera, honakoak izan dira aurrera eramandako jarduerak:

  • Harrera eta kokapena
  • Aholkularitza taldearen aurkezpena
  • Mintegi-kideen aurkezpena
  • Zertan ari gara gutako bakoitza?
  • Zergatik ari gara Ikaskide proiektuan?
  • Mintegiaren itxiera

Hori guzti hori jolas eta dinamika kooperatiboen bidez eraman da aurrera.

Ikerketa proiektua

Aurreko post batean esaten genuen bezala, aurten ikerketa proiektu bat jarriko dugu martxan Ikaskide Taldeen proiektuaren baitan.

Ikerketa proiektu honek bi helburu nagusi ditu:

  • Ikaskide Taldeekiko ikasleen jarrerak identifikatzea eta emaitza akademikoekiko izan dezaketen erlazioa aztertzea
  • Irakasleriaren esku-hartze motak aztertzea hiru eremutan: 1) ikaskidetzarekiko motibazioa; 2) prozesuaren antolaketa; eta 3) taldeari emandako laguntza eta esku-hartzearen eragina identifikatzea.

Dena den, ikerketa proiektuaren berri sakonago izan nahi baduzu, egin ezazu klik beheko estekan eta bertan aurkituko dituzu, labur-labur proiektu horren nondik norakoak

IKASKIDE TALDEAK ikerketa

2010/11 ikasturteko Ebaluazio Txostena

2010/11 ikasturtea bukatu da eta, denok ondo merezita ditugun opor goxoak tarteko, laster hasiko zaigu ikasturte berria.

Laburbilketa garaia iritsi zaigu. Ebaluazio eta hausnarketa garaia. Hurrengo ikasturtean zer hobetu eta zer mantendu gogoetatzeko garaia.

Ikastetxeetan parte hartu duten kideei euren proiektuen gaineko hausnarketa eta ebaluzio moduko bat egitea eskatu diegu eta baita gehienek egin ere. Ez zen ariketa erraza, denbora eta dedikazioa eskatzen baitzuen, baina jasotako emaitzek zer pentsatu asko eman digute, onerako eta ez hain onerako.

Badakigu zeintzuk diren ikastetxeetako kideen kezkak, zeintzuk pozak eta zeintzuk zalantzak. Horiek guztiak erabiliko ditugu datorren ikasturtean guziton artean gure jarduera hobe dezagun.

Den-denak jaso ditugu Ikaskide Proiektuaren Ebaluazio Txostenean. Txosten mardula da, partaideek hausnarketa eta ondorio ugari eskaini baitute.

Lan hori denon artean partitu nahi izan dugu eta horregatik ekarri dugu hona.

Esan bezala, txostena luzetxoa da, ez astuna, ordea; dena den, badaezpada ere, txosten osoarekin batera laburpen motz bat ere ekarri dugu, haren ondorio nagusiak laburbiltzen dituena.

Klikatu itzazu beheko estekak eta biak aurkituko dituzu: txosten osoa eta haren laburpena.

2010-11-IKASKIDE- Ebaluazio txostena

10-11 EBALUAZIOA – labur

Pasaia-Lezo – fisika lantzen ikaskide taldeen bidez.

«Txirrindulari bat ihes eginda doa Tourreko etapa batean. Irabaziko al du etapa? Irabazten ez badu, non harrapatuko dute?»

Horixe izan zen Pasaia-Lezo Lizeoko DBHko 4. mailako ikasleei irakasleak mahai gainean jarri zien arazoa, fisika eta kimika arloan zinematika lantzeko amoz.

Ikaskide taldetan, lan kooperatiboaren bidez, aurkitu behar zioten ikasleek irtenbidea arazoari.

Esperientzia hori ekarri ziguten Pasaia-Lezo Lizeoko kideek Ikaskide Proiektuaren baitako I. Jardunaldira.

Egin ezazu klik beheko estekan, hortxe aurkituko dituzu eta ikaskidetza proiektu ezin interesgarriago honen gorabehera guztiak.

Pasai-Lezo Lizeoa-proiektua eusk